3 dəliyə üç rəng boya verirlər ki, qapıları rəngləyin. Qırmızı rəngi götürən dəli işini qurtardıqdan sonra başlayır qapını yalamağa. Sarı rəngi götürən də eyni hərəkəti edir. Yaşıl rəngi götürənsə, işini qurtarandan sonra oturub onlara baxır. Bunu görən həkim sevinir ki, dəli ağıllanıb. Yaxınlaşıb soruşur ki, sən niyə qapını yalamırsan? - Dəli qəmgin-qəmgin qapıya baxıb deyir: «Onların alması yetişib, mənimki hələ kaldı
Arif əlifbanı bilirsən?
- Əlbəttə, bilirəm.
Çox gözəl. Onda de görüm A hərfindən sonra hansı hərflər gəlir?
- Müəllimə, bu nə sualdı verirsiniz? Əlbəttə, qalan hərflər.
Bir kişi əlində siyahı məscidə dua etməyə gəlir. Arzularını yazdığı kağızı açıb, başlayır oxumağa: - Allahım, nə olar birinci pulum olsun, ikinci maşınım, üçüncü əla bir evim...». Axırda da qayıdır ki, «nə olar, canımı rahat al». Məsciddən çıxanda kişinin ürəyi tutur və yıxılır. Güclə danışan kişi «Ay Allah, deyəsən siyahını tərsinə tutmusan ha» deyib, keçinir.
Bir xoruz şəhərə gəlir. Küçədə gəzərkən birdən gözü qrilə sataşır və öz-özünə deyinməyə başlayır: Gör bu şəhər toyuqları burda nə kef çəkirlər?! Kənddə yumurtlamağa toyuq tapılmır, bunlar burada karuseldə fırlanırlar.
Qadın hər dəfə aptekin yanından keçəndə diqqətlə binanın üstündəki emblemə baxır. Axırda ərindən soruşur: bu aptekin üstündəki nə şəklidir? - Ər: görmürsən anandı, qabdan dondurma yeyir.
Dovşan mağazaya girib deyir: «mənə bir çik-çik verin. Satıcı onu başa düşməyib, tüfəng verir. Sən demə, dovşan fotoaparat istəyirmiş. Meşəyə yollanan dovşan qarşısına çıxan tülküyə deyir: dayan, sənin şəklini çəkim. Tülkü deyir, «o fotoaparat deyil ki, mənim şəklimi çəkəsən». Dovşan tülkünün sözünə qulaq asmayıb, tətiyi çəkir, tülkü yerə yıxılır. Dovşan yaxınlaşıb: «özünü tülkülüyə vurma, sabah gəl şəklini apar» deyərək yoluna davam edir.
Müəllimə dərsdə soruşur: «Uşaqlar balıqlar niyə danışa bilmir? - Heç kim cavab vermir. Əli qalxıb deyir: «Müəllimə, sizin başınızı suya salsam, danışa bilərsiniz?.
Müəllim uşaqlara «Əgər mən firma müdiri olsaydım? mövzusunda inşa yazı tapşırır. Hamı tez-tələsik nəsə yazmağa başlayır, Ceyk sakitcə durub baxır. Müəllimə yaxınlaşıb soruşur: Ceyk sən niyə yazmırsan?. - Ceyk: Katibəmi gözləyirəm.
Qonaqlıqda gənc bir oğlan Əlini pərt etmək istəyir: - Bağışlayın, siz baytarsınız? - Əli özünü itirmədən cavab verir: bəli, haran ağrıyır?
|
